BUTUAN CITY – Dakong pabor ngadto sa sektor sa transportasyon ang laing hugna sa pagkunhod sa presyo sa produktong petrolyo.
Sigon ni Wilfredo Ybañes, chairman sa Butuan City Wide Tricycle Transport Cooperative nga mapasalamaton gihapon sila sa sunod-sunod nga pagkunhod sa presyo sa gasolina bisan og dili gihapon kini stable tungod sa kataas niini.
Nangandoy gihapon matud pa sila nga mokunhod pa ang presyo niini apan naglibog kung nganung gagmay raman ang ikunhod sa gasolina kumpara sa diesel.
Bisan paman sa pagkunhod, na-alarma sila sa karun tungod sa daw walay kasabutang nakab-ot sa US og Iran rason sa posibleng pagdako pa sa kagubot. Nabutang matud pa sa alanganin ang ilang pangandoy nga mabalik sa normal ang sitwasyon.
Padayon gihapon ang ilang panghinaot nga dili na mas modako pa ang tensiyon tungod kay ang Pilipinas ang lakip sa bulnerable niini ilabina sa presyo sa pruduktong lana.
Nanghinaot usab kini nga mokalma na ang mga nasud nga nalambigit.
