BUTUAN CITY – Nagtingkagol na sa prisuhan ang lalaking nanulis sa nakalabay nga adlaw bandang alas 2:30 ang takna sa hapon sa Barangay 1 Poblacion, General Luna, Surigao del Norte.
Kini human usab siya malampusong naaresto tungod sa tabang sa nagpakabanang mga katawhan.
Sa impormasyong nakuha gikan sa General Luna Municipal Police Station, miabot ang suspek sa usa ka tindahan sakay sa itom nga Yamaha Mio nga walay plaka samtang nagsul-ob og hoodie ug face mask og gelayong giti-onan og kutsilyo ang tindera samtang gipangayo ang kwarta.
Apan nisukol ang biktima ug giilog niini ang kutsilyo nga miresulta sa pagkasamad sa liog sa biktima adiser pa nakuha sa suspek ang pitaka nga adunay gibana-banang 38-mil pesos nga cash money sa drawer sa tindahan ug misulay kini pag-ikyas.
Gelayong nisinggit ang biktima ug nakapangayo og tabang hinungdan nga daling niresponde ang mga tawo ug na-corner ang suspek.
Nakaresponde usab gelayon ang kapulisan og hingpit nga giaresto ang suspetsado nga nasutang usa ka security guard ug residente sa nasangpit nga lugar.
Kasong Robbery with violence against person ang ipasaka batuk sa suspek.
