BUTUAN CITY – Padayon karung gi-implementar dinhe sa rehiyon sa Caraga ang proyektong SARAI CeNTRO kon Smarter approaches to re-envigorate agriculture as an industry sa Department of Science and Technology kon DOST.
Sigon ni Ricardo Varela, Assistant Regional Director for operation sa DOST-Caraga, dugay nang gigamit ang maong teknolohiya apan ila kining gi-upgrade og gidugangan aron mapahimuslan sa mga mag-uuma.
Sumala sa opisyal nga tumong niini nga makakuha og mga datus aron maoy basehan o magamit sa pagpanguma.
Miggasto matud pa ang ahensiya aron makabuhat og teknolohiya nga gitawag og Automatic Weather Station og magamit sa tibook Caraga.
Kini bisan paman nga anaa palang sa 7 ka Local Government Units kon LGU’s ang nabutang og Automatic Weather Station nga magsilbing localized weather forecast sama nalang kung kanus-a mag-ulan sa usa ka lugar.
Tungod sa maong datus, makadisesyon ang maguuma sa dapat buhaton.
Sa karun, padayon ang gihimo nilang trainings sa mga technicians sa matag munisipyo, siyudad og probinsiya diin sila na unya ang moadtu sa mga mag-uuma aron e-introduce ang bag-ong teknolohiya.
Gipa-ambit usab ni Varela ang dakong hagit sa pag-implementar niini sama nalang sa pagka-hesitant sa mga maguuma ilabina kay daghan sa mga mag-uuma mga tag-as na og edad nga dili kaayu daling maka-adaptar sa bag-ong teknolohiya.
Tungod niini, kinahanglan kini og mas daghang training og dakong pagpasabot.
