-- ADVERTISEMENT --
BUTUAN CITY – Nakab-ot na ni Victor Wembanyama og iyang koponan nga San Antonio Spurs ang gilaumang panag-agbat batuk sa Oklahoma City Thunder human ang ilang kadaugan kaganina sa Minnesota Timberwolves sa Game 6 sa Western Conference semifinals.
Sa maong dula nga miresulta sa 130-109 nga kadaugan, nakuha sa Spurs ang 4-2 nga kartada sa serye og hingpit nang naka-abot sa conference finals diin nagpaabot ang Thunder.
Gipangunahan ang Spurs ni Stephen Castle nga dunay 32 puntos samtang 21 puntos si De-Aaron Fox og si Wembanyama nga dunay 19 puntos. Samtang nasayang usab ang nakuhang 24 puntos ni Anthony Edwards sa Timberwolves.
