BUTUAN CITY – Sa unang adlaw pa lang sa pagdungog sa House Justice Committee, nagpagawas gilayon kini og subpoena aron makuha ang Statement of Assets, Liabilities and Networth kon SALN ni Vice President Sara Duterte.
Sa botong 34 ka pabor, 2 ka supak ug wala’y mi-abstain, gi-aprubahan ang mosyon rason nga gimanduan ang Committee Secretariat nga mag-isyu og subpoena ad testificandum ngadto sa representante sa Bureau of Internal Revenue kon BIR ingon man subpoena duces tecum alang sa pagpagawas sa income tax return kon ITR ni VP Sara ug sa bana niining si Atty Manases Carpio gikan sa tuig 2007 hangtud 2025.
Lakip usab sa gipa-subpoena sa komite ang rekord sa National Bureau of Investigation kon NBI sa ilang imbestigasyon bahin sa gika-ingong pagpanghulga ni VP Sara sa kinabuhi sa First Couple.
