-- ADVERTISEMENT --
BUTUAN CITY – Mubalik sa pageant stage si Miss Universe Philippines 2023 Michelle Dee dili isip contestant, kundi host sa Miss Grand International (MGI) All Stars nga himuon karong Mayo 28 sa Bangkok, Thailand.
Ka-uban niya si Emma Mary Tiglao ug Paweensuda Drouin sa preliminary swimsuit competition nga magpakita sa kaanyag ug talento sa mga beauty queen gikan sa lain-laing nasud.
Human sa iyang pagkadaog sa MUPH 2023, naka-top 10 siya sa Miss Universe 2023 ug nakadaug og Best National Costume ug Voice for Change Gold Winner.
Padayon siyang nangampanya alang sa autism awareness ug inclusivity. Usa usab siya ka Philippine Air Force kon PAF Reservist ug nagdumala sa The Inner Peace Foundation.
