BUTUAN CITY – Gi-imbestigahan na sa Provincial Investigation and Detection Management kon PIDM ug Provincial Interal Affairs Service kon PIAS sa Agusan del Sur ang duguong pagresponde sa usa ka pulis sa lungsod sa Trento ngadto sa tawag kalabot sa gika-ingong ilegal nga sabong niadtong Sabado nga miresulta sa pagkamatay sa usa ka sabungero ug pagka-angol sa mireponding pulis.
Naila ang namatay nga si Arthur Hamboy, alyas Nonoy, tricycle driver ug residente sa Brgy. Poblacion sa maong lungsod amtang ang angol mao si PLt. Arnold Sarong, Deputy Chief of Police for Operation sa Trento Municipal Police Station.
Sa eksklusibong pakighinabi sa Bombo Radyo Butuan, gipadayag ni PMajor Charlie Kedyam, hepe sa Trento Municipal Police Station, nga kaganinang buntag pa gisugdan ang imbestigasyon ug gihulat na lang nila ang mahimong resulta niini.
Una nang nasuta sa inisyal nga imbestigasyon sa Trento Municipal Police Station nga girespondihan ni PLt. Arnold Sarong ang tawag kalabot sa gika-ingong ilegal nga sabong nga natigayon sa Purok Jerusalem, Brgy Sta. Maria kodiin nagpa-ila gilayon kini sa iyang pag-abot sa sabungan ug nagpasabot nga iyang i-verify ang permit sa sabong.
Dihang gisulayan matud pa pagsikop sa maong pulis si alyas Nonoy, masuk-anon matud pa kining mikompronta sa maong pulis ug misulay matud pa kini pag-ilog sa armas rason sa ilang inilugay resulta sa pagbuto niini sa makaduha ka higayon hinungdan nga pareho silang gidala sa Franco Medical Clinic and Hospital aron matambalan apan gideklarang dead-on-arrival si Hamboy kinsa na-igo sa tiyan
Narekober sa crime scene ang duha ka gitira nang cartridge case sa gitu-uhang calilber 9mm nga pistola; 4 ka manok igsasabong, usa ka fighting gaft ug 5 ka tag-500 pesos nga taya ug anaa na sa kostudiya sa kapulisan alang sa tukmang disposasyon.
Gibutyag ni PMajor Kedyam nga padayon pang nagpa-alim sa ospital si PLt. Sarong human kini na-igo sa iyang tiil.
