BUTUAN CITY – Nagdonar og mga gamit alang sa molecular laboratory unya ning siyudad nga nahimutang sa Butuan Medical Center ang Department of Science and Technology kon DOST-Caraga.
Apil niini ang RT-PCR machine nga magamit sa himuong swab testing sa mga COVID-19 probable ug suspect cases; ang level 2 bio-safety cabinet samtang mu-abutay usab ang specimen collection booth.
Sa eksklusibong pakighinabi sa Bombo Radyo Butuan, gipadayag ni DOST-Caraga regional director Dr. Inday Mallonga, ang gi-donate nilang RT-PCR test duna’y dako nga capacity ug ikaduhang makina na sa BMC rason nga gila-umang maka-accommodate unya kini sa pagriyalisar sa swab samples sa ubang mga probinsya.
Kini gawas pa sa ilang project proposal uban ang Department of Health kon DOH-Caraga og ang lokal nga kagamhanan ning siyudad sa Butuan nga epidemiology survey may kalabutan sa COVID-19.
Lain pa usab ang pagpahigayon og testing gamit ang DOST-funded test kits nga gi-develop sa Metro Manila aron lang matubag ang testing need sa katawhan ilabina sa confirmation tests nga himuon.
