BUTUAN CITY – Nanawagan si House Committee on Justice vice chairperson Rep. Joel Chua nga beripikahon ang mga pirma sa impeachment complaints batok kang Pangulong Ferdinand Marcos Jr atol sa pagdungog sa komite akganina human gideklara nga sufficient in form ang duha ka mga impeachment complaints batok sa Presidente.
Sigon ni Rep. Chua sa komite, importante kaayo nga maberipika ang mga pirma tungod kay posibleng ibasura kini sa ulahi kung adunay depekto.
Sa iyang kabahinan usab, gipasabot ni Mamamayang Liberal party-list Rep. Leila de Lima nga dili na kinahanglan ang beripikasyon tungod kay adunay presumption of authenticity ang mga pirma gawas lang kung kini kwestyunon kondiin adiser pa mahimong pangayoon ang signatory nga kumpirmahon ang mga pirma.
Apan tubag ni Chua, ang beripikasyon sa pirma usa ka kritikal nga bahin sa pagtino kung ang mga reklamo, sufficient in form ba gayod.
Gitudlo usab sa magbabalaod nga wala sa pagdungog ang nag-notaryo sa mga dokumento aron makumpirma kung personal bang mihawid ang mga signatories sa atubangan sa notaryo publiko.
