BUTUAN CITY – Padayon ang regular rotation ug repositioning sa Philippine Navy sa may West Philippines Sea human ang pag-water cannon sa Chinese Cost Guard ngadto sa Philippine Coast Guard atol sa resupply mission niini sa BRP Sierra Madre.
Sa eksklusibong pakighinabi sa Bombo Radyo Philippines, gipadayag ni Armed Forces of the Philippines kon AFP spokesperson Col. Medel Aguilar nga tumong niini nga masigurong duna’y igong supply sa mga pagkaon ug tubig ang mga sundalong na-detail sa maong barko.
Giklaro sa opisyal nga tungod sa gihimo sa China, mas mikusog pa ang morale sa kasundaluhan ug kamatu-uran niini, bisan pa man sa gihimo sa Chinese Coast Guard niadtong Agusto 5, gipadayon gihapon ang resupply mission bisan og katunga lang ang nahatud.
Nagpakusog matud pa kanila ang suporta gikan sa mga kababayang Pinoy nga nagkondena sa gihimo sa China apil na ang padayong pagsalig nga gihatag kanila.
