BUTUAN CITY – Gipadayag ni US President Joe Biden nga anaa kaaron sa pinakataas nga level ang risgo sa usa ka nuclear “Armageddon” sukad ang 1962 Cuban Missile Crisis.
Sigon sa US President Joe Biden, wala maggara-gara si Russian President Vladimir Putin dihang namulong kini nga mugamit siya og tactical nuclear weapons human nakasinati og kapildihan sa Ukraine.
Gisulayan pa karon paghuna-huna sa Estados Unidos aron makagawas na sa giyera si Putin rason nga angayan lang seryusuhon ang tanang hisgutanan.
Madumdumang ning mi-aging semana, gipadayag ni US National Security Adviser Jake Sullivan nga taliwa sa mga nuclear hints sa Moscow, wala sila’y nakitang mga senyales nga nangandam ang Russia alang sa paggamit og nuclear weapon.
Nasayrang subling nakuha sa Ukraine ang mga teritoryong una nang nasakop sa Russia, apil na niini ang upat nila ka mga rehiyon kansa ilegal nga gi-annex sa Russia.
