BUTUAN CITY – Gikumpirma sa Malacañang nga gidawat na ni kanhi Philippine National Police (PNP) chief General Nicolas Torre III ang pagbalhin sa iyang four-star rank ngadto kang acting PNP chief Lt. General Jose Melencio Nartatez Jr.
Sumala ni Palace Press Officer Undersecretary Claire Castro, personal niyang naka-istorya si Torre kondiin nasuta nga adunay lamang matud pa’y kakulian o wala pagsinabtanay sa iyang na-unang pahayag nga dili siya mag-optional retire.
Dugang pa si Castro, nasabtan usab ni Torre nga tungod kay gidawat niya ang pagtudlo kaniya ni Pangulong Ferdinand Marcos isip General Manager sa Metropolitan Manila Development Authority (MMDA), angay lamang nga ipasa na niya ang ranggo kang Nartatez.
Gipanghimakak usab ni Castro nga adunay pa’y laing panagtagbo nga mahitabo, sukwahi sa gihangyo ni Torre nga gusto unta niyang makigkita sa Pangulo ug sa National Police Commission (NAPOLCOM) mahitungod sa maong isyu.
