BUTUAN CITY – Padayon pang gipa-abot sa Department of Health kon DOH-Caraga ang resulta sa Reverse transcription polymerase chain reaction kon RT-PCR test sa namatay nga COVID-19 probable case.
Base sa COVID-19 situational report no. 116 sa maong ahensya, sa 27 ka mga probable cases nga natala ning rehiyon, lima ang na-admit sa nagkada-iyang ospital kondiin tulo kanila ang nagnegatibo sa coronavirus samtang laing duha ang pending pa ang resulta.
Samtang sa mga suspected cases usab, mi-abot na kini karon sa 142 ka cumulative kondiin 14 ang na-ospital ug sa maong ihap unom ang nagnegatibo sa RT-PCR test, upat ang pending pa ang resulta samtang laing upat usab ang for specimen collection pa.
Onse pa gihapon ang natalang COVID-19 positive kondiin upat ang na-discharge na samtang ubos pa gihapon sa istriktong facility quarantine ang laing pito.
