BUTUAN CITY – Gihangyo ni Defense counsel Atty. Kristine Ferrer sa Senate Impeachment Court nga dili tugutan ang mga side comments ug uban pang makadaut nga komento sulod sa korte.
Atol kini sa pagbalik nila sa impeachment trial human sa lunch break tungod sa matag-karon ug unya nga side comments ni House private prosecutor Lorna Kapunan ngadto kang prosecution witness Xylene Del Campo kaganinang buntag kansa na-capture mismo sa livestreaming sa Day 15 sa impeachment trial.
Gipamugos ni Atty. Ferrer, nga bisan og mas taas ang experience ni Atty. Kapunan kumpra kaniya, wala gihapo’y lugar ang bisan unsa mang side comments sulod sa korte, ug mas maayong respetihon ang matag-usa kanila.
Pareho matud pa silang abogado ni Atty. Kapunan dayong hangyo nga respetuhon usab siya sa iyang ka-ubanang counsel.
Giklaro usab ni Trial Presiding Officer Chiz Escudero nga gibakwi na ni Atty. Kapunan ang maong komento ug bisan migawas na kini sa livestream, gitangtang na kini sa Senate records ug dinhi na misaad si Kapunan nga ‘mag-behave’ siya sa pag-abante sa trial.
