BUTUAN CITY – Pa-imbestigahan sa lokal nga kagamhanan ning siyudad sa Butuan ang alegasyong ‘Rapid Test Negative Result For Sale’ sa may Bancasi Airport kansa gi-expose sa usa ka pasaherong Agusanon ug mibalik na sa kauluhang Manila kondiin bugti niini ang bayad nga 1,500-pesos.
Sa eksklusibong pakighinabi sa Bombo Radyo Butuan, gipadayag ni Michiko de Jesus, tigpamaba sa Butuan City government, iya na kining nadunggan dinhi sa sibyahan kagahapon ug base sa iyang nasayran, wala’y gitugutan ang city government nga duna’y outlet sulod mismo sa airport nga maoy muhimo og rapid test gawas lamang sa pipila ka mga pribadong testing centers.
Giklaro pa sa opisyal nga sa panig sa city government, bugtong ang Bancasi Rapid Testing Center lang ang nag-operate apan kini alang lamang sa mga manguling Returning Overseas Filipinos kon ROFs ug Locally Stranded Individuals kon LSIs ilabina kadtong wala’y dalang rapid test negative results gikan sa ilang point of origin.
