BUTUAN CITY- Giklaro sa kampo ni Atty. Manases “Mans” Carpio nga dili nila tumong nga ipahunong ang impeachment proceedings batok kang Vice President Sara Duterte.
Kini nunot sa unang pagbasura sa Quezon City Regional Trial Court Branch 81 sa petisyon sa kampo ni Carpio tungod sa daw kawala niini hurisdiksyon sa maong isyu.
Sa usa ka interview sa abogado ni Carpio nga si Atty. Neil Abayon subay sa desisyon sa korte, giklaro niini nga wala silay laeng tumong kundi mapugngan angdaw dilii-awtorisadong paglapas sa confidential documents nila Carpio ug sa asawa niining si VP Sara Duterte.
Tungod sa wala usab gipadayon sa House Justice Committee nga abrihan ang green box nga adunay tax record sa magti-ayon, daw murag gitugotan na ang hangyo sa kampo ni Carpio.
Taliwa sa pagbasura sa korte sa petisyon ni Carpio, sigon ni Abayon dili nila kini makita nga usa ka dakong problema tungod una na usab nagdesisyon ang House panel nga dili abrihan ang green box, bisan paman sa pagtumaw sa pipila ka records sama sa Anti-Money Laundering Council records ug Statement of Assets, Liabilities, and Net worth.
Bisan paman, wala gihapon matud pa gibaliwala sa kampo ni Atty. Carpio nga magpasaka og motion for reconsideration o kung dili, moapelar sa mas taas nga korte.
Sa pagkakaron, gi-obserbahan pa usa sa kampo ang mga sunod nga lakang sa Kamara kalabot sa impeachment complaint batok kang VP Sara ug ang posibleng pagkalambigit sa pangalan ni Atty. Carpio.
