BUTUAN CITY- Gipamugos sa Iran nga kinahanglang mo sunod ang mga international shippers sa bag-ong “Vessel Information Declaration” nga gi-isyu sa Persian Gulf Strait Authority ko PGSA aron makalabay sa Strait of Hormuz, kon dili posibleng adunay matigayong pag-atake sa Islamic Revolutionary Guard Corps kon IRGC.
Ang dokumento nagkinahanglan og detalyado nga impormasyon sa barko, crew, ug kargamento, ug kinahanglan ipadala pinaagi sa email sa PGSA. Samtang ang US ug Israel misupak sa maong lakang, ang pipila ka mga nasud sama sa India ug Pakistan nakig-negosasyon aron masiguro ang pagbiyahe sa ilang mga barko.
Ang Strait of Hormuz, diin moagi ang ikalima sa suplay sa lana ug Liquified Natural Gas kon LNG sa kalibutan, nahimong sentro sa tensyon tungod sa plano sa Iran nga kontrolon kini ug gamiton isip leverage sa rehiyon ug global nga ekonomiya.
