BUTUAN CITY – Dili na matud pa kinahanglan nga subling moatubang si Ramil Madriaga sa House Committee on Justice, tungod kay halos tanang importanteng pangutana napaabot na sa iyang pagtestigo, sumala pa ni Rep Joel Chua.
Sumala sa opisyal, makuting gisusi sa mga magbabalaod ang supplemental affidavit ni Madriaga, lakip ang mga dokumento ug hulahway aron matin-awan ang mga detalye.
Pagbutyag pa ni Chua, igo na ang nahimong pagpangutana aron mapamatud-an ang mga unod sa affidavit.
Dugang pa sa magbabalaod, limitado usab ang mamahimong ipangutana sa pagdungog tungod kay dunay mga hisgutanang dapat nga sa mismong impeachment trial sa Senado hisgutan.
Pipila ka higayon usab nga gipahunong ni Rep Gerville Luistro ang mga “probing questions” sa mga miyembro sa komite.
Mahinungdanon matud pa ang pagklaro sa mga pamahayag ni Madriaga, ilabina sa iyang alegasyon batuk kang VP Sara Duterte mahitungod sa matud pa sayop nga paggamit sa confidential funds.
Sa karun, dili pa segurado kung subli pa siyang ipatawag sa mga musunod nga pagdungog.
