BUTUAN CITY – Gipahigayon ang World Snail Racing Championships sa Congham, Norfolk sa England ning sabado lang.
Nasaksihan sa mga audience ang paugnat sa kusog alang sa usa sa pinaka hinay nga mga mananap sa tibook kalibutan, diin taliwala sa kusog nga ulan, aligre ang tanan nga makita ang anaa sa 150 ka mga atletang kohol, kansa ang uban kanila, ginahimo na ang maong kompetisyon sukad pa niadtung 1960.
Nahimong mananaug sa maong kompetisyon si Jesff the snail, nga gidagan lamang ang 13.5 pulgada nga race track sulod sa 4 minutos ug 3 segundos.
Apan bisan pa man sa maong oras, pakyas gihapon kining makuha ang record breaking time ni Archie the snail niadtung 1995 kansa gisakmit niini ang titulo pinaagi sa world title nga 2 minutos ug 20 segundos.
