-- ADVERTISEMENT --
BUTUAN CITY- Nakamugna og titulo isip pinakatigulang nga magtiayon sa kalibotan base sa ilang hiniusang edad sila Lyle ug Eleanor Gittens sa Estados Unidos, kinsa adunay kinatibuk-ang edad nga 216 ka tuig ug 132 ka adlaw sa Miami, Florida.
Si Lyle, 108 anyos, ug si Eleanor, 107 anyos, unang nagkaila niadtong 1941 isip mga estudyante sa Clark Atlanta University ug naminyo niadtong Hunyo 1942.
Sulod sa kapin walo ka dekada, kadaghanan sa ilang kinabuhi ilang gigugol nga magkauban sa New York City, sa wala pa mibalhin sa Miami aron mas duol sa ilang anak nga babaye. Ang rekord gipamatud-an sa LongeviQuest, usa ka organisasyon nga nag-research ug nagdokumento sa mga supercentenarian.
