BUTUAN CITY – Subsob karun ang pagpangandam sa gobyerno sa Qatar alang sa pinaka-unang pag-host nila sa FIFA World Cup 2022 nga himoon karong Nobyembre ug Disyembre ning tuiga.
Sa eksklusibong pakighinabi sa Bombo Radyo Butuan kang Bombo International Correspondent Carla Ocay direkta sa Doha, Qatar, gibutyag niining busy kaayu karun ang kagamhanan sa pagkumpleto sa construction sa mga kadalanan og buildings nga gamiton.
Sigon ni Ocay, dunay 8 ka mga stadiums ang gi-andam alang niini diin ang matag-usa muabot sa 30-mil ngadto sa 40-mil ang kapasidad.
Ang finals sa FIFA World Cup 2022 gibana-banang mahitabo sa Disyembre 8 atol sa National Day sa Qatar, nga himoon sa Albeit Stadium ang pinakadakong stadium nga susama og estilo sa Arab Tent kansa layo gikan sa sentrong bahin sa siyudad apan walay problema sa mga motan-aw tungod kay dunay bus nga kasakyan.
Sumala pa niini nga kulang pa kaayu ang accomodation diin sa karun palang nag-alokar na ang mga hotels og 80 porsiento sa ilang lawak.
Samtang hugot nga seguridad usab ang ipatuman diin dili makasulod ang walay ticket og wala makapa-booked sa hotel.
Gi-angkon usab ni Ocay nga fans nang daan ang Qatar sa football og gane 10 ka tuig nang giplanuhan ang pag-host sa pinakadakong dula niini.
