BUTUAN CITY – Mihimo og kasaysayan ang Qatar human nakakuha sa ilang pinaka-una nga puntos sa World Cup dihang nakapugos sila ug 1-1 nga tabla batok sa Switzerland sa ilang unang duwa kaganina.
Unang nakalabaw ang Switzerland sa sayong bahin sa duwa human maigo ni Breel Embolo ang penalty kick sa ika-13 minuto.
Gidominar sa Swiss sa tibuok duwa ug mitala og 26 ka attempts, apan wala nila mapatay ang duwa tungod sa lig-on nga depensa sa Qatar.
Nabayran ang Switzerland sa ilang mga nasayang nga oportunidad dihang nakahimo ug own goal si Miro Muheim sa ika-94 minuto tungod sa kusog nga presyur gikan sa kapitan sa Qatar nga si Boualem Khoukhi.
Kini mao ang ikaduhang higayon nga nakasalmot ang Qatar sa World Cup finals human sila nahimong host niadtong 2022.
Kini usab ang unang higayon nga naka-coach sa World Cup ang ilang Spanish mentor nga si Julen Lopetegui.
Karong Huwebes, makig-atubang ang Switzerland sa Bosnia nga himuon sa Los Angeles, California samtang ang Qatar makigduwa batok sa co-host nga Canada sa Vancouver.
