BUTUAN CITY – Hingpit ang pagpasalamat sa usa ka Person With Disability kon PWD human makadawat og usa ka paresan sa crutches ug lima ka kilong bugas kansa gipatunol sa pipila ka mga lungsunaron ug pribadong sektor sa Bombo Radyo isip kina-ugalingong paghatag og ayuda ning sibyahan niadtong mga kabus.
Sa pakighinabi sa Bombo Radyo Butuan kang Lolita Ampes 59-anyos ug nagpuyo sa Purok-6 San Ignacio sakop ning dakbayan, malipayon niining gipadayag nga sukad nga madungong sa kaugalingon niining transistor radio nga naghatag og libreng crutches ug reading eye glasses ang Bombo Radyo, gipangandoy na niining makakuha og cellphone number niing sibyahan aron mutawag nga bisitahon siya aron matunolan og libreng crutches labi na nga dili siya daling makalakaw-lakaw tungod sa qaurantine ug sa iyang kahimtang.
Mi-abot matud pa sa usa ka semana ang iyang pag-atang atang aron lang makompleto ang Rasong sa higayon nga nakumpleto na niining mahipos ang cellphone number ug na-contact ning sibyahan gilayon usab kining gi-adtoan sa Bombo Reporters, hinungdan hingpit ang pasalamat niini human makaangkon og bag-ong crutches ug reading eye glasses.
Sigon ni Ampes dakong tabang kaniya ang nadawat nga bag-ong crutches tungod kay dili na siya mag-abang og 500 pesos aron lang .
Dako usab ang pagpasalamat ni Nanay Ampes sa misagop kaniya human siya gisalikway sa iyang mga anak ingon man sa mga kabanay niini tungod lamang sa iyang kahimtang.
Alang usab kang Nanay Asucena 72-anyos kinsa mao ang nag-adopt kang Nanay Ampes gawas nga dugay na silang mag-amiga naluoy usab siya sa kahimtang niini labi na adtong nasayran nga naospital ug gisalikway kini sa iyang pamilya. Sigon nii Nanay Asucena hantod nga baskog siya padayon niyang tabangan ug atimanon si Nanay Ampes .
Gipadayag usab niiin nga naglisod gayod sila sa kahimtang ilabina karong panahon sa krisis hinungdan nga dakong tabang ang hinabang nga ilang nadawat gikan sa city government ingon man pagsalamat sa gamay’ng hinabang nga gitunol niiing sibyahan kanila.
Gawas nila Nanay Asucena ug Nanay Lolita Ampes laing 15 pa ka mga indibidwal ang natunulan usab og hinabang nga bugas, ingon man libreng reading eye glasses gikan sa managlahing barangy ning syudad.
