BUTUAN CITY – Nagpahimangno ang non-profit environmental health and justice organization nga EcoWaste Coalition ngadto sa publiko nga dili mupalit o mugamit sa 3 ka mga Labubu tumblers nga duna’y taas nga lead content.
Sigon sa grupo, ang maong mga tumblers, apil sa unom nga dili pa opisyal nga Labubu merchandise items nga gibaligya sa kantidad nga P275 matag-usa. Na-detect nila ang kapin sa 1000 parts per million (ppm) nga lead content sa maong mga tumblers nga kolor pink, red ug yellow gamit ang X-ray fluorescence analyzer kansa lapas sa lead limit alang sa paint nga 90 parts per million (ppm).
Dugang sa grupo, ang pagka-expose sa lead bisan sa gamay lang nga doses, delikado sa panglawas.
Samtang gibutyag usab sa World Health Organization, ang mga bata maoy vulnerable sa toxic effects sa lead nga posibleng makasinati pa og permanent adverse health impacts partikular na sa development sa ilang central nervous system.
Delikado usab sa mga hamtong ang dugay nga exposure sa lead, tungod kay posibleng maghatud kini og high blood pressure, cardiovascular problems ug pagkaguba sa kidney. Maka-apekto usab kini sa mga buntis tungod kay ma-apektuhan ang fetus ug ang ilang pagpanganak.
