BUTUAN CITY – Samtang nagpadayon ang international contact tracing sa mga pasaherong mikanaog sa Dutch-flagged cruise ship nga MV Hondius, cduna’y miltumaw karon nga mga kabalaka sa publiko kalabot sa mas dakong outbreak sa hantavirus human nakumpirma ang kamatayon sa usa ka 70-anyos nga lalaking Dutch.
Ang mga misakay sa cruise ship nga nataptan sa maong balatian maoy hinungdan sa hantavirus outbreak nga mikaylap na sa ubang mga pasahero kondiin ang uban, anaa sa kritikal nga kondisyon.
Ang barko nga gi-operate sa Oceanwide Expeditions, una nang gi-hold sa kadagatan sa Cape Verde, ug gitugutan paglawig ngadto sa Canary Islands sa Espanya alang sa dugang imbestigasyon.
Ang kinatibuk-ang ihap sa mga tawong sakay sa barko mi-abot sa 147 apil na ang mga crews.
Samtang duna’y pipila ka mga pasaherong gi-quarantine samtang ang uban nanguli na sa ilang gigikanang mga nasud, nagkataas karon ang kabalaka sa publiko kalabot posibilidad nga mukaylap pa ang virus rason sa nagpadayong international tracing.
Una nang gideklara sa World Health Organization kon WHO nga ang global risk sa pagkaylap niini nagpabiling ubos tungod kay na-confine ra man sa usa ka grupo sa mga biyahidor ang outbreak.
Gi-activate na usab sa European Centre for Disease Prevention and Control (ECDC) ang ilang Early Warning and Response System (EWRS) aron ma-alerto ang mga public health authorities sa Urupa sa maong sitwasyon.
