BUTUAN CITY- Misaka na sa 33.2 milyon ka mga Pilipino ang sakop karon sa gipalapad nga primary healthcare program sa Philippine Health Insurance Corporation o PhilHealth pinaagi sa Yaman ng Kalusugan Program kon YAKAP, kansa giila nga dakong lakang sa pagpalapad sa akses sa serbisyong panglawas sa tibuok nasod.
Sumala sa PhilHealth, ang programa karon naglangkob sa 4,287 ka accredited clinics ug nakapakita og 457 ka pilo nga pagsaka sa suporta sa primary care sukad 2021.
Sigon ni Edwin Mercado, ang YAKAP nagsilbing lig-on nga “sandigan” sa mga pamilyang Pilipino aron malikayan ang grabeng sakit pinaagi sa sayong pag-atiman sa panglawas. Ilalom sa programa, libre ang konsultasyon medikal, importanteng laboratory tests, outpatient cancer screenings, ug tambal nga moabot og PHP20,000 matag tuig pinaagi sa GAMOT benefit.
Aron mas mapadayon ang kampanya, nagpahigayon ang PhilHealth og 191 ka empanelment drives aron marehistro ang mga residente sa hilit nga lugar, samtang mahimo usab ang digital registration pinaagi sa eGovPH Mobile App ug PhilHealth Member Portal, subay sa direktiba ni President Ferdinand Marcos Jr. nga himuong batakang katungod sa matag Pilipino ang kalidad nga primary healthcare.
