BUTUAN CITY– Nagdeklara og outbreak sa Ebola ang Democratic Republic of Congo.
Ming-abot sa 246 ka kaso ang natala kung asa adunay 65 ka-tao na ang namatay.
Sumala sa Africa Centres for Disease Control and Prevention (Africa CDC), kadaghanan sa namatay gikan sa mga lungsod sa Mongwalu ug Rwampara ang gold-mining nga mga lungsod sa Ituri province.
Nagpatawag na usab sila og meeting sa mga silingang lugar sa Congo sama sa Uganda, South Sudan ug pipila ka international partners aron hisgutan ang mga prioridad.
Lakip sa hisgutan niini ang response efforts ug cross-border surveillance.
Unang nadiskubre ang Ebola niadtong 1976 sa DR Congo nga gikan matud pa sa mga paniki.
Kini na ang ika-17 ka outbreak nga natala sa gi-ingong makmatay nga sakit sa nasud.
Gi-angkon sa World Health Organization (WHO) nga wala pay tambal sa nasangpit nga sakit kung asa ang fatality rate niini anaa sa 50 percent.
