BUTUAN CITY- Mingbaliktad ang direksyon sa Philippine Stock Exchange index (PSEi) niadtong Martes samtang ang mga investors nagpabiling wait-and-see taliwa sa local economic concerns ug geopolitical developments, samtang ang piso minghuyang batok sa dolyar.
Ang PSEi mikunhod og 0.77 porsyento ngadto sa 5,963.24 puntos, samtang ang All Shares index misaka og 0.53 porsyento ngadto sa 3,353.94 puntos. Tulo ka sektor ang misaka, nga gipangunahan sa Mining and Oil og (positive) +1.42%, Holding Firms (+0.86%), ug Financials (+0.23%), samtang ang Services (negative) -2.72%, Property (-0.70%), ug Industrial (-0.61%) ang mikunhod. Nipabilin usab nga nipis ang trading volume og 734.52 milyon shares nga nagkantidad og PHP5.1 bilyon, diin mas daghan ang decliners nga 117 kompara sa advancers nga 77.
Sumala sa Regina Capital, nga ang kabalaka sa posibleng pagsaka sa inflation og labaw sa 8% ug ang posibilidad sa 50bps rate hike sa Bangko Sentral sa Pilipinas, nakapaluya sa interes sa equities. Sa forex market, ang piso misira sa 61.56 batok sa dolyar, mas huyang kumpara sa 61.46 niadtong Lunes.
