BUTUAN CITY- Gidayeg ni Pope Leo XIV ang duha ka semana nga ceasefire sa Iran War ug gitawag nga “unacceptable” ang hulga ni U.S. President Donald Trump batok sa katawhan sa Iran.
Gipahayag sa Santo Papa nga ang kalinaw mahimong makab-ot pinaagi lamang sa pagbalik sa negosasyon ug gipasabot nga ang truce usa ka positibong lakang aron matapos ang rehiyonal nga panagbangi.
Giklaro usab niini nga dili madawat ang direktang hulga nga makapahamtang og dakong tensyon sa tibuok kalibutan ug sa Middle East, ug gipunting nga ang due process sa negosasyon mao’y yawe aron makab-ot ang tinuod nga kalinaw.
Dugang pa ni Pope Leo nga isip lider sa 1.4 bilyon ka Katoliko sa kalibutan, obligasyon niini nga ipadayag ang kabalaka ug panawagan sa mga lider sa nasud nga likayan ang hulga ug iprioridad ang kalinaw ug pagtapos sa giyera pinaagi sa diplomasiya.
