-- ADVERTISEMENT --
BUTUAN CITY– Ming-abot sa Qatar ang mga nangunang opisyal sa Iran nga sila si top negotiator Mohammad Bagher Ghalibaf, Foreign Minister Abbas Araghchi ug Central Bank Governor Abdolnaser Hemmati aron hisgutan ang “pinakasensitibo ug wala pa masulbad nga mga isyu” sa memorandum of understanding uban sa United States.
Sumala sa Iranian Foreign Ministry, adunay gamay nga progreso sa negosasyon pinaagi sa Pakistan nga nagmediar, apan wala pa kini nagpasabot nga hapit na ang pirmahanay sa kasabutan. Samtang si US President Donald Trump nanawagan sa mga nasud sama sa Qatar, Saudi Arabia, Pakistan, Egypt, Jordan ug Turkiye nga moapil sa Abraham Accords aron normalisahon ang relasyon sa Israel isip kabahin sa kasabutan sa Iran.
