BUTUAN CITY- Malampuson nga napahigayon sa Province of Agusan del Sur ang Medical and Health Officers Meeting kagahapong adlaw Mayo 21 sa Conference Hall sa Democrito O. Plaza Memorial Hospital sa Patin-ay, Prosperidad isip parte sa Palarong Pambansa 2026, diin nagtigom ang mga health officers, education officials, ug mga representante gikan sa nagkalain-laing ahensya sa gobyerno aron mapalig-on ang koordinasyon ug mapaayo ang health ug emergency response systems sa mga eskwelahan ug komunidad.
Gipunting sa mga diskusyon ang mga health protocols ug emergency response mechanisms kansa importante alang sa dagkong kalihokan ug community settings. Gihisgutan usab ni Dr. Lilibeth Mirando-Gonzales ang Palarong Pambansa Health Protocol nga nagtutok sa preventive measures ug medical preparedness atol sa mga major sporting events, samtang gipresentar ni Dr. Jacqueline Frances Momville ang Health and Emergency Response Protocol aron mapalig-on ang kahandam ug koordinasyon panahon sa mga emerhensya ug health-related incidents.
Gihisgutan usab ang Daily Consultation and Reporting Process for Health-Related Incidents pinaagi sa presentasyon ni Phanny Ramos aron mapalambo ang monitoring ug reporting systems sa mga eskwelahan ug komunidad. Dugang pa, naghatag og overview sa Incident Command System si Armando Gomez kansa nagpasabot sa kamahinungdnon sa epektibong koordinasyon ug komunikasyon panahon sa mga emerhensya ug kalamidad.
