BUTUAN CITY – Gila-uman ni House Deputy Speaker ug Iloilo 1st District Rep Janet Garin nga ihikyad ni Pangulong Ferdinand Marcos Jr sa iyang State of the Nation Address kon SONA karong Lunes, ang mga plano sa iyang administrasyon alang sa ekonomiya sa nasud.
Kini tungod kay importanteng madunggan sa mga Filipino kung asa mupadulong ang nasud ug kung unsa ang mga lakang sa kagamhanan aron matubag ang problema sa kagutom ug ang padayong pagsaka sa presyo sa mga palaliton.
Sigon sa kongresista, kini ang saktong panahon aron ipakita sa pangulo nga abli ang Pilipinas sa mga investors kansa dili angayang lisud-lisuron tungod kay sila ang nag-unang nagpalihok sa ekonomiya sa nasud, nagmugna og mga trabaho ug mutabang sa pagpalambo sa panginabuhian sa nasud.
