BUTUAN CITY – Tumang kalipay ang gibati sa Pinay nurse nga si May Parsons human gitunulan og prestihiyosong George Cross award sa United Kingdom isip pinaka-unang nakahatag og COVID-19 vaccine sa tibuok kalibutan.
Mismong sila Queen Elizabeth II ug anak niining si Prince Charles ang nagtunol sa award sa Windsor Castle ngadto kang May Parsons isip representante sa National Health Service nga mao ang healthcare service sa UK kondiin uban niya si National Health Service Chief Executive Amanda Pritchard.
Nasayrang na-ila si Parsons sa UK tungod sa iyang kaisog nga gipakita panahon sa pandemya.
Siya ang labing unang nag-administer sa COVID-19 vaccine niadtong Disyembre 8, 2020 nga nagtimaan sa pagsugod sa kaylap nga COVID-19 vaccine drive sa tibuok kalibutan.
Sigonni Parson, usa ka dakong dungog alang niya nga malakip sa mga tawo nga nakadawat sa maong pasidungog.
