BUTUAN CITY – Ang Surat Diamond Bourse sa Gujarat, India, usa ka dako kaayong building nga gilangkuban sa siyam ka building nga magkonektar sa usa’g usa.
Sa una, ang Pentagon ang pinakadako nga building sa kalibutan sulod sa 80 ka tuig apan napulihan na kini karon sa Surat Diamond Bourse kay mas dako kini og area.
Ang complex adunay 15 ka andana, kapin sa 4,700 ka opisina ug workshop, ug 131 ka mga elevator nga nagpasayon sa paglihok sa sulod.
Gitukod kini aron matapok sa usa ka lugar ang mga tigputol ug negosyante sa diamante, kay 90% sa diamante sa kalibutan ginaputol sa Surat.
Ang disenyo niini pareho gamay sa airport nga naay taas nga hallway nga nagkonektar sa mga building nga nagkantidad og 32 bilyon rupees ug makasulod og kapin sa 65,000 ka tawo, 4,500 ka sakyanan, ug 10,000 ka motorsiklo.
Bisan dako kaayo, dali ra gihapon maglihok sulod niini tungod sa daghang elevator sulod sa 15-ka-andanang mga tore, diin ang kasagarang tawo mokabat lang og unom ka minuto aron makaabot sa ibabaw sa bisan asa sa siyam ka tore pinaagi sa 131 ka elevator nga kontrolado sa usa ka smart system.
Ang dako nga complex makasulod sa 10,000 ka two-wheel vehicles, nga mas daghan pa kaysa sa ubang modernong gagmay nga lungsod
