BUTUAN CITY – Duna pa’y duha ka dula nga apilan ang Philippine Men’s National Football Team kon PMNFT isip kabahin sa ilang pagpangandam alang sa 2024 AFF Mitsubishi Electric Cup.
Una nilang apilan ang Merdeka Cup nga himuon sa Kuala Lumpur, Malaysia sa Septembre 2 hangrud 10 nga sundan sa King’s Cup nga magsugod sa Oktubre 7 hangtud 15 nga himuon sa Thailand kondiin maka-agbat sa Pilipinas ang mga anaa sa taas nga ranking.
Ang ranked 147 nga Pilipinas maka-agbat ang ranked 102 nga Tajikistan, ranked 117 nga Lebanon ug ranked 135 nga host country Malaysia sa Merdeka Cup.
Samtang sa King’s Cup, ilang maka-agbat ang ranked 93 nga Syria, ranked 100 nga Thailand ug ang Tajikistan.
Sigon ni Philippine Football Federation director of national teams Freddy Gonzalez, maka-agbat sa Pilipinas ang Myanmar sa Nobyembre 27 ug ang Vietnam sa Disyembre 3 nga himuon sa Rizal Memorial Stadium alang sa premier football tournament nga AFF Mitsubishi Electric Cup sa Southeast Asia.
