BUTUAN CITY -Ginegar sa Philippine Navy nga miyembro sa Philippine Marine Corps (PMC) ang upat gikan sa 18 ka giprisentang matud pa bagmen nga naghatud og male-maletang 805 bilyones pesos nga kickbacks nila Pangulong Ferdinand Marcos Jr., kahe House Speaker Martin Romualdez ug kanhe Congressman Zaldy Co.
Sa usa ka pamahayag, gitin-aw ni Navy spokesperson Captain Marissa Arlene Martinez nga base sa ilang official records, bisan kanus-a wala nahimong miyembro sa Philippine Navy o PMC ang upat ka indibidwal nga gipa-ila-ila sa usa ka press conference nga gipangunahan ni Levito Baligod.
Samtang mayorya sa mga niini “discharged dishonorably,” ug ang uban nagretiro nga dunay “good standing.”
Gihimo sa Navy official ang pamahayag human maberipika ang mga identity ug rekords sa serbisyo sa mga niini.
Pag-abot usab kang Orly Guteza, gitumbok ni Capt. Martinez nga nagretiro na gikan sa serbisyo si Guteza sukad pa niadtong Hunyo 2020 ug wala na kini sa ilalom sa hurisdiksiyon sa Philippine Navy.
Gipahinumduman sa Navy ang publiko nga beripikahin una ang kredibilidad ug kung tinood ang impormasyong nadawat lakip na ang source ug platform nga gigamit aron mapug-ngan ang pagpakaylap sa sayup nga impormasyon.
Samtang gibarugan sa Navy official nga magpabilin ang Hukbo nga propesyunal, disiplinado ug non-partisan organization aron dili makompirmiso ang ilang integridad ug reputasyon ug magpabiling dili matandog sa ilang mandato nga depensahan ang soberaniya sa nasud ug silbihan ang katawhang Pilipino.
Sa panig usab sa Armed Forces of the Philippines, gibutyag ni AFP Public Affairs Office Chief Col. Xerxers Trinidad nga ang mga pamahayag nga gihimo sa nasangpit nga public forum dapat susihon pinaagi sa proper legal ug investigative process.
