BUTUAN CITY – Napalgang walay kinabuhi ang usa ka lalaki sulod sa van terminal sa Purok-1,Barangay Holy Redemer ning siyudad sa Butuan kaganinang alas 5:20 sa hapon.
Naila ang biktima nga si Maximo Moso, 59-anyos, olitawo, Nitibong taga Marohon, Leyte og kasamtangang nagpuyo sa nasangpit nga barangay.
Una nang miresponde ang mga personahe sa Butuan City Police Station -2 sa pagpanguna ni Polcie Chief Master Sergeant Ceasar S. Oco kauban ang Duty investigator aron maberipika ang impormasyon.
Sa pag-abot a otoridad nakit-an ang patay’ng lawas sa biktima nga nagbuy-od sulod sa Van Terminal.
Pasado alas 6:15 sa gabii usab miabot sa nahitaboan ang mga personahe sa Scene of the Crime Operatives kon SOCO nga gipangunahan ni Police Captain JERRY D. SOLIS og giproseso na ang crimescene aron madetermina ang hinungdan sa kamatayon niini.
