BUTUAN CITY – Desidido ang pamilya nga ipa-ilawom sa otopsiya ang patay’ng lawas sa ilang kabanay human matud pa kini mi-ambak sa usa ka balay-tambalanan ning syudad sa Butuan.
Wala na’y kinabuhi dihang napalgan ang biktimang si Jose Jamuras, 63 anyos ug residente sa Purok 4 Poblacion Loreto, Agusan del Sur.
Nasayrang nagpa-admit matod pa ang biktima tungod sa gihambin niining pneumonia.
Dako na lang ang kakurat sa mga personahe sa Butuan Doctors Hospital tungod kay napalgan na kining nagbuy-od kagahapon sa alas-5 sa buntag sa garden nga bahin.
Base sa imbestigasyon sa kapulisan wala matod pay nakitang foul play sa kamatayon sa biktima apan nagpadala gihapon sila ug request ngadto sa Scene of the Crime Operatives kon SOCO kini subay na sa request sa pamilya nga ipailawom sa otopsiya ang patay’ng lawas sa biktima.
