BUTUAN CITY- Gipadayag ni Ako Bicol Partylist Rep. Alfredo Garbin Jr. nga nakigkoordinar na sila sa pamilya sa kanhi magbabalaod nga si Elizaldy “Zaldy” Co. Kini human gi-anunsyo ni Pangulong Bongbong Marcos nga nahuman na pagtinago-ay ni Co human kini masikop sa mga awtoridad sa Czech Republic.
Sa pakihinabi sa Bombo Radyo Legazpi, sigon ni Garbin, wala pa silay nadawat nga konkretong impormasyon gikan sa pamilya kalabot sa kahimtang ug status sa kanhi kongresista. Matud pa niini, daghang ibulgar si Co, hilabi na kung hatagan kini og hustong proseso ubos sa balaod.
Malaumon usab si Garbin nga maka-estorya na si Co kalabot sa mga anomalosong proyekto sa flood control taliwa sa tensyon sa politika. Dugang pa niini, gusto niining makahimamat ang pamilya ni Co aron masuta kung kini naaresto, napriso, o mogamit og legal nga pamaagi aron dili maka-uli.
Gisiguro usab ni Garbin nga mapamatud-an ni Co ang mga pamahayag nga gipagawas niini sa mga video. Naglaom usab kini nga buhaton sa gobyerno ang tanang seguridad aron makatambong si Co sa mga legal nga pagtaral ug mabulgar ang kamatuoran.
