BUTUAN CITY- Nasikop sa Criminal Investigation and Detection Group (CIDG) ang duha ka suspek ug nakumpiska ang petroleum products nga mobalor og P6.6 milyon atol sa anti-“paihi” operation sa may Barangay Santa Ana, Tubay, Agusan del Norte niadtong Abril 17, 2026.
Ang operasyon gihimo subay sa direktiba ni Department of Interior and Local Government kon DILG Secretary Juanito Victor “Jonvic” Remulla ug Philippine national Police kon PNP Chief Police General Jose Melencio Nartatez Jr. alang sa nasudnong crackdown batok sa iligal nga pagpanghatag ug pagpangawat sa lana. Ang mga suspek nga gi-ilang sila alyas “Ando” ug “Bote,” drayber ug helper sa trak, nasikop sa aktong nag-pagbalhin sa lana gikan sa tanker truck padulong sa baril ug gagmay nga mga container aron ibaligya.
Ang tanker truck nasuta nga gikan sa Cagayan de Oro ug mihunong sa Tubay diin gihimo ang iligal nga aktibidad. Gipasiugda ni CIDG Director PMGen Robert AA Morico II nga protektado sa balaod ang public interest ug national security pinaagi sa hugot nga regulasyon sa petroleum products, ilabi na ubos sa Batas Pambansa Blg. 33 ug Presidential Decree 1865. Gipanghimatuud sa CIDG ang padayon nga kampanya batok sa “paihi” kansa giila nga economic sabotage ug hulga sa kita sa nasud, ug gi-awhag ang publiko nga motaho sa tanang iligal nga kalihokan sa ilang lokalidad.
