BUTUAN CITY – Nagduso og mosyon si Bicol Saro party-list Rep. Terry Ridon sa plenaryo niadtong Mayo 5, 2026 nga wad-on o e-delete sa record sa House of Representatives ang nahimong pamahayag ni Batangas 1st District Rep. Leandro Leviste.
Sa nasangpit nga pamahayag, gibulgar ni Leviste ang mga matud pa korupsyon ni Executive Secretary Ralph Recto ug Construction Workers Solidarity (CWS) party-list Rep. Edwin Gardiola sa Batangas.
Gilitok usab ni Leviste ang mga matud pa nagastos sa mga politiko para modaug sa ilang mga distrito.
Sa unang mosyon, gibutyag ni Ridon nga wala matud pay basehan ang gisulti ni Leviste nga mas dako ang gigastos sa mga politiko sa gawas sa Region IV-A.
Sa iyang ikaduhang mosyon, gipangayu usab ni Ridon nga ang tibook pamahayag ni Leviste ang tanggalon.
Gikontra usab ni Leviste ug sa pipila ka magbabalaod kauban si SAGIP party-list Rep. Paolo Marcoleta ang mosyon ni Ridon.
Sa katapusan nadesisyonan sa Kongreso nga tanggalon sa record nila ang tibook pamahayag ni Leviste.
