BUTUAN CITY – Wala kasagang ang tribung Manobong Lapaknon human gipasabot ni kanhi National Commission on Indigenous People kon NCIP-Caraga Director Atty. Ferdausi Saniel Cerna nga ang pagka- lehitimong tribu wala sa gibit-bit nga ID ug gisuot nga traditional attire kundi anaa sa dugo ug kaliwatan.
Kini subay na sa mga reklamong gipa-abot ning sibyahan sa pipila ka mga residente sa Brgy. Maug kalabot sa mga miembro sa nagpao-ilang tribung Lapaknon nga nangangkon og luna pagpanguna sa ilang gi-ilang si Rajah Eddie Asaytuna.
Sa eksklusibong pakighinabi sa Bombo Radyo Butuan, gipadayag ni Atty. Cerna, ang sayop nga pag-interpretar sa balaud ug pagsabot sa kustombreng probisyon ilabina sa pagkamugna sa 1997 IPRA Law alang sa ancestral domain ang ma-ingong sayop nga gihimo sa maong tribu.
Gipasabot niining ang maong balaod, wala gidesenyo aron mangangkon og yuta sa laing tribu o komunidad kundi sa pakigbisog sa katungod pinaagi sa pagkaresponsableng indibidwal dungan sa pagpadayag nga bugtong NCIP ug lehitimong tribu lamang makakumpirma sa maong ancestral domain kon yutang kabilin .
Gidugang pa ni Atty. Cerna nga ang konsepto sa ancestral domain pribado apan komunal ug bisan kaniadto wala kini nahimo nga kabahin sa public land buot pasabot dili kini mamahimong ibaligya o maprenda sanglit wala man kini gipanag-iyahan sa usa ka tao kundi sa t ribung komunidad.
Aminado si Atty. Cerna nga niadtong panahon niya isip director sa NCIP-Caraga, ubay-ubay ang ilang nadawat nga reklamo kalabot sa pag-angkon sa ubang miembro sa tribung Lapaknon sa mga yutang gipanag-iyahan na sa mga pribadong inidbidwal ingon man sa gobyerno nga kansa titulado.
Base sa pinakaulahing report sa NCIP. wala gi-ila isip lehitimong tribu ang mga Monobong Lapaknon apan gitin-aw ni Atty. Cerna nga wala kini nagpasabot nga wala sila girespeto o nagtunhay.
Kung hisgutan usab ang reklamo nga gipasibaw sa ubang mga residente sa Barangay Maug. nasutang gi-ilugan matud pa sila og yautang gitikad na nila, pinaagi sa pangpang-larot sa mga tanom nilang balanghoy gawas pa kini sa pagpanukot nila og monthly duties.
Samtang gipamugos usab gipamugos ni Rajah Eddie Asaytona, nga mga miembro ra matod pa sila sa tribu nga wala lang nagkasinabot.
Ning mi-aging adlaw adunay husay nga nahitabo sa Brgy Maog alang sa maong reklamo apan pakyas pagtambong si Rajah Asaytona ug gipamaugos niini nga wala sila mi-adto tungod kay wala matod pa sila’y nadawat nga notice.
