BUTUAN CITY – Gipangunahan ni Pangulong Ferdinand Marcos Jr., kauban sila Mayor Isko Moreno, Vice Mayor Chie Atienza, ug negosyanteng Teresita Sy-Coson, ang pagpanghatag sa 1,000 sako nga libreng bugas ilalom sa programang “Biyayang Bigas para sa Maynila.”
Ma-obserbahan usab nga gihimong daw dumbell sa Pangulo ang usa ka sako sa bugas adiser gitunol sa makadawat niini.
Lakip sa mga benepisyaryo ang mga trabahante gikan sa retail, janitorial, security, maintenance, ug food service sectors.
Kabahin kini sa mas halapad nga inisyatiba sa administrasyon aron maghatag og hinanaling tabang sa mga pamilyang apektado sa padayon nga pagtaas sa presyo sa palaliton.
Gibana-banang kapin 80-mil ka pamilyang Manileño ang nakapahimulos sulod sa unom ka buwan diin ang matag pamilya makadawat og tag-10 kilo nga bugas.
Ang pondo nga nagkantidad og 286 milyones pesos gigahin gikan sa Financial Assistance to Local Government Units sa Office of the President.
Sumala sa gobyerno, tumong sa programa nga dili lang maminusan ang kabug-at sa taas nga presyo sa palaliton kundi suportahan usab ang lokal nga mga mag-uuma pinaagi sa pagpalit og bugas gikan sa lokal nga produksyon.
Taliwa sa global nga tensyon sa Middle East nga naghatag og pagtaas sa presyo sa lana ug uban pang palaliton, gipaneguro ni Pangulong Marcos nga palapdan pa ang rice subsidy programs sa uban pang siyudad ug probinsya aron mas daghang Pilipino ang makapahimulos.
