BUTUAN CITY-Gibutyag ni konsehal Cromwell Nortega sa eksklusibong pakighinabi sa Bombo Radyo Butuan nga bisan pa man kaniadto dugay ng problema sa mga residente ang pagdagsang sa mga langaw sa Brgy. Tiniwisan nga miabot pa sa Cabcabon ug Ampayon ning syudad.
Nakasinati ang pipila ka mga residente ning nakalabayng adlaw sa pagdagsang sa mga langaw nga namilit sa mga baligyang tahop ug uban pa kondiin dunay higayong mangaon ang mga residente, kinhanglang pang mogamit og moskitiro aron nga dili direktang mosasaw ang mga langaw.
Dugang pa ni konsehal Nortega nga posibleng hinungdan na usab niini ang sayop nga pamalakad sa mga poultry farm sa lugar hinungdan sa perwisyong hatod sa mga langaw nga makahatag og problema sa panglawas ilabina sa mga kabataan.
Gipanawagan usab niini sa mga lumulupyo sa lugar nga mamahimong ipahibalo sa mga residente sa barangay ang nasangpoit nga problema sa dalang perwisyo sa langaw ug gilayong ipaabot sa opisyales ang reklamo ngadto sa City Health Office ug sa City Environment Office arom maadtoan ang nahimutangan sa nasangpit nga poultry farm.
