BUTUAN CITY – Padayon pang gikumpirma sa kapulisan sa lungsod sa Trento, Agusan Del Sur ang nadawat nga impormasyong gibuhi-an na ang asawa nga gi-apil sa pagdagit sa iyang mister nga Barangay Kapitan sa Brgy. Pangyan.
Sigon ni P/ Sr. Inps. Melvin Rufon, tungod sa hulga sa seguridad, nagpadala siya ug asset sa maong barangay aron makisayud ug makumpirma ang pagpauli sa asawa nga si Maribeth Carlos apan wala matud pa kini sa maong dapit.
Giklaro usab san Hepe nga sukad sa pagdagit sa Barangay Kapitan nga si Rene Carlos ug iyang asawa, walay nagpaabot ug reklamo sa ilang buhatan ug nahibal-an nalang nila kini sa ilang intellligence.
Padayon usab silang nangeta ug witness sa maong pagpangdagit samtang nakig-koordina sa kasundaluhan.
Karung adlawa usab ipahigayon ang meeting sa gimugnang crises management committee nga gipangunahan sa Chairman nga si Acting Trento Mayor William Calves, aron masabutan ang sunod nga lakang sa nadangatan sa mga biktima.
