-- ADVERTISEMENT --
BUTUAN CITY – Isubasta sa National Food Authority (NFA) ang kapin usa ka milyon nga sako sa karaan nga bugas karong Hunyo aron makatigom og dugang pondo ug pagluag sa warehouse alang sa umaabot nga ani.
Sumala sa NFA administrator Larry Lacson, kini bugti sa 50,000 metric tons nga bugas ug mao na unya kini ang ika-upat nga auction sa NFA aron makapalit pa og humay ug makalu-ag sa espasyo.
Gi-finalize pa nila ang presyo ug mga lagda sa auction ug posible nga mosaka gamay ang presyo base sa kasamtangang presyo sa lokal ug imported nga bugas.
Kumpyansa ang NFA nga daghan gihapon ang moapil sa auction bisan pa sa price cap nga ₱50/kilo sa imported ug suggested retail price nga ₱53/kilo sa bugas.
