BUTUAN CITY- Gibutyag sa Ministry of Foreign Affairs sa China nga ang giyera sa Iran nagdala ug dagkong “kalamidad” sa tibuok Middle East human sa pagbisita ni US President Donald Trump aron makigkita sa iyang kaatbang nga si President Xi Jinping sa China.
Sumala sa White House, naghisgot ang duha ka lider bahin sa kahimtang sa Strait of Hormuz, diin miuyon si Xi nga kinahanglan kini magpabiling abli aron masuportahan ang gawasnon nga pag-agi sa enerhiya. Samtang sigon ni Iran Foreign Minister Abbas Araghchi nga ang US nagpadala ug “managlahi nga mensahe” sa negosasyon nga nagpasamot sa kalisod sa proseso.
Sa laing bahin, ang Israel misamot sa pagpang-atake batok sa mga sakyanan ug motorsiklo sa habagatang Lebanon bisan pa nga nagpadayon ang panaghisgot tali sa duha ka nasod aron makab-ot ang permanente nga kasabutan.
