BUTUAN CITY- Nagtinabangay na karun ang ubang estado sa Amerika sa pag-rescue sa uban pang indibidwal nga na-apektuhan sa tornado nga mikuso-kuso sa maong nasud.
Sa eksklusibong pakighinabi sa Bombo Radyo Butuan kang Liza Durbin direkta gikan sa Kentucky USA, gibutyag niini nga ning mi-aging Sabado sa gabii, oras sa Pilipinas, naagi-an pa nila ang lugar diin mi-igo ang dakong tornado ug nakita pa nila ang pagkatumba ug pagkalabay sa mga sakyanan apil na ang pagkasunog sa usa ka factory sa maong estado.
Sigon ni Liza, kini na matud pa ang kinadak-ang tornado nga natigayon sa maong estado sukad nga miabot siya sa maong nasud.
Tungod niini dakong damyos ang hatod sa maong tornado kondiin kapin sa gatus na ang gitahong namatay sa unom ka mga estado sa Amerika samtang karun padayon pa ang pagpangita kung duna pa ba’y namatay sa maong panghitabo
