BUTUAN CITY – Minimal na damyos lang ang gihilin sa bagyong Vicky ngadto sa mga impastraktura ning rehiyon.
Sa eksklusibong sa Bombo Radyo Butuan, gibutyag ni Department of Public Works and Highways kon DPWH-Caraga regional director Engr. Pol de los Santos, nga base sa ilang gihimong assessment, dili ra mu-abot sa 5-milyunes pesos ang damyos nga gibilin ni bagyong Vicky ngadto sa mga naguba niining kadalanan tungod sa kalit nga pagbaha ug pagdahili sa yuta.
Hinuon ang tanang mga lugar nga duna’y natigayong mudslides ug landslides, 24-oras nilang gi-clearing rason nga kagahapon pa lang sa buntag, passable na sa tanang klase sa mga sakyanan ang maong mga dalan.
Bahad pa sa opisyal, hangtud nga magpadayon ang illegal logging ug illegal mining, lauman gihapon ang mga pagbaha ug pagdahili sa yuta tungod sa kawala nay ugat sa mga dagkong kahoy nga magpugong sa yuta aron dili kini mudahili.
