BUTUAN CITY – Mihangyo kagahapong adlawa ang Trade Union Congress of the Philippines kon TUCP nga dugangan og P425.00 ang P320.00 nga daily minimum wage sa Caraga Region.
Sigon ni TUCP Spokesperson Alan Tanjusay sa eksklusibong pakighinabi sa Bombo Radyo Butuan, nadawat na sa Regional Tripartite Wages and Productivity Board kon RTWPB- Region XIII ang ilang petisyon alang sa dugang minimum nga suhulan.
Pasabot pa ni Tanjusay, hilabihan ra kagamay ang 320-pesos nga kasamtangang minimum wage sa Caraga alang sa pagpalit og pagkaon sa usa ka pamilya.
Sumala sa opisyal, duna’y regular silang pakighinabi sa mga miyembrong union og nasuta ang panginahanglanon sa dugang suhulan ug mapasalamaton kini sa ka-abli sa wage board pagdawat sa ilang petisyon.
Human kini nasang-at, duna pa’y himoong public consultation ang wage board nga usa ka adlaw ngadto sa mga trabahante, og usa ka adlaw usab nga pakig-kunsulta sa mga negosyante adiser ipagawas kung pila ang dugang nga suhulan.
Gila-uman na ni Tanjusay nga mas ubos pa sa ilang hangyu ang posibleng ihatag sa RTWPB dayung depensa nga ang 425-pesos, nagabase sa resulta sa gihimo nilang computation.
Nanawagan na lang kini sa mga kompanya o negosyante nga dili manghadlok nga magsira tungod sa dugang minimum nga suhulan.
Kung dili matud pa kaya nga ihatag ang dugang suhulan sa mga trabahante, pwede silang magsang-at ug exemption ngadto sa wage board.
